PN - 讀全日的壞處

From Another mama 係bk見到以前做幼稚園老師分享：
我想講好多時家長只睇到表面的野，但我教左十幾年，睇到好多內部的野，知道內裏的野好清楚，所以我個人覺得半day還可以既，但全日我真係noway~

或者可以咁講，2歲的小朋友真係太細，有少部份連行都未行得穩，講真句，老師一對眼睇得幾多個，老師得一對手拖得幾多個，尤其初初開學，場面簡直震撼，老師抱得幾多個，氹得幾多個，其他大部份都係由得佢地哭，有d自己坐係度係咁哭，有d哭到累自己收聲，有d哭到嘔，有d係咁搵媽咪係咁要老師，但老師根本理唔到咁多，我睇見就陰公~

仲話要返全日，食埋午餐訓埋覺，根本都哭到無哂胃口，仲點食得落，老師又餵唔到咁多個，唔食就餓住咁要午睡~

去排洗都係一個大問題，咁多個小朋友一齊去廁所，老師、嬸嬸幫得幾多個，又要睇佢地排隊、洗手……仲要好大部份唔識除褲、著褲，仲要有部份著住片，又要換片，試諗下一間學校會可以安排到幾多個人手係一班，一間學校唔止一班n1喎~

仲未計賴屎賴尿，好多時人手唔夠，明知賴左都無計，好多情況就係要小朋友濕住等嬸嬸~

返n班的小朋友好容易病，經常半班都流住鼻水，但佢地又未識自己抹，老師就抹完一個又一個，中間係無時間比老師洗手or消毒雙手，根本同傳播病菌無分別~

又試過茶點、午餐時，老師呢頭分完食物，個頭就有小朋友倒瀉，老師又要抹，抹完再分食物，又或者幫小朋友抹完鼻水就餵飯~

呢d情況唔止係一間幼稚園會發生，因為我係唔同的學校都遇到相同的問題，亦唔止我一個係有咁的難處，基本上教n班的老師都會遇到，所以我先會話我絕對唔會比我個女讀全日n班~

呢d野只有老師、校長知道個實況，佢地點會照直講比家長知~

老實講，如果係大仔就著數好多，因為佢本身學野快，所以好多野好快上手，其實老師根本幫唔到咁多個，大仔係老師教一/兩次就識，又或者係睇得多而自己學識~

我自己作為幼師，我覺得好多家長話小朋友返左學有進步，但其實我個人覺得根本自己係屋企教都一樣~

唯一係屋企無咗多機會學到既係社交，但我個人就覺得讀k1都一樣，唔需要早一年入學，事關兩歲b真係太細~

但我咁講並啊係要左右家長的決定，我只係講我的經驗周所見所聞，至於比啊比小朋友讀全日n班就係好個人的決定~
除左係大仔著數好多之外，有媽媽講得啱，如果小朋友入學前已經識基本的自理亦會好好多，我見好多其實係家長係屋企完全無教or可能唔識教，一心就旨意學校老師教，但個小朋友係學校好慘呀，乜都唔識，連除褲尿尿、著褲、拉高衫抽洗手、食飯、抹咀、抹鼻水……通通都唔識，如果學校人手唔夠，睇唔掂咁多個，根本個小朋友同無人理無分別，我見有小朋友玩水玩到成身濕哂，老師、嬸嬸睇得小朋友排隊又睇唔到佢地洗手，幫得佢地除褲尿尿又要同佢地著番褲，基本上係一對一，有d如果老師幫唔到咁多，除褲除一半唔除一半，尿到一褲一腳都係，到時仲要額外搵個人手黎幫佢清潔同換褲，簡直係混亂非常～

所以搵間人手充足的學校係非常重要，但問題係好多時家長睇唔到實際的情況，表面睇係好似好多人手，但其實只係假象，有家長睇到時，咪求其調多幾個人手去n班囉，家長一走就打回原形，尤其家長觀課，事前根本已經做好哂準備，之前幾日已經同小朋友練習左好多次，所以家長黎睇既唔係實際情況，其實只係一場show～