醫療住院 / 住院現金 / 危疾保險 的定義

醫療保障有相當多的類別, 一般市民對險種唔清楚, 所以會混淆的 :

1. 醫療住院開支保險(多為一般人稱醫療保險): 以實報實消的方式保障客戶, 內容多數有床位費用, 醫生巡房費, 手術費, 雜費, 額外醫療開支保障等等, 每項都有一個保障金額上限, 如超過上限要自付餘額, 所以如果入住的醫院十分十分頂級, 又或者醫生的收費好海鮮海鮮的話, 超過保障金額上限好多, 就好可能要自付較多了。

2. 住院現金保險: 以每日住院計賠償客戶一金額。每日的定義可能是住院超過 6 或 8 小時。如果只是買了住院現金保險, 以為買了醫療住院開支保險, 那麼就會出現賠得好小的感覺, 最後又要銀行同保險公司硬食-買左保險唔賠的大罪呢! 有好多時比電話Sale左以為自己買左醫療保險, 其實只是買了住院現金保險就會發生以上的感覺了。

3. 危疾保險: 保障客戶在面臨危害生命的嚴重疾病的發生, 此險種的目的 -- 保障金額幫助在昂貴醫藥開支及暫時失去工作收入但要繼續應付生活開支的客戶。