文章日期：2010年9月16日
「人生基本上只有兩項重大投資，一係娶老婆而佢成為你一世債主、二是買樓之後你要被綁（供樓）20至30年；所以我個業主會唔反對人買樓，只係叫人無咁大個頭唔好戴咁大頂帽！」香港業主會會長佘慶雲如是說。
佘慶雲曾任地產代理，也曾做過區議員，並於96年成立香港業主會，提供業主諮詢和協助服務，據稱迄今累積擁有逾7000會員，曾處理逾4000宗業主問題個案。佘稱見盡香港各式業主遇到種種的置業陷阱，以及錯誤房屋政策對業主做成的種種傷害。
對於政府正諮詢資助巿民置業，並可能復建居屋，佘慶雲直言﹕「復建居屋對首次置業人士講，其實係糖衣陷阱，如果仲要資助巿民首次置業，更加係好心做壞事。」
佘表示，家庭收入未足夠買私樓人士，就算政府復建居屋可以援助這一類邊緣客上車，倘若將來樓巿逆轉，又碰失業等情況而供不起樓之時，其買入的居屋單位，會因為未補地價又未能在自由巿場出租，提供不到租金收益來幫助供樓，則居屋買家便必須同時面對該單位的銀行按揭貸款，以及及補地價金額的雙重債項，到了要在自由巿場轉售時，便要先同時清還這兩債項。
佘更反對政府資助巿民置業︰「早前有位月入9000多元擬買樓人士，佢話想買港島南區樓喎，好喇，我當佢南區搵到一個最平200萬元單位，就算佢有本事畀足三成首期都要60萬元，借銀行按揭140萬元，以年息2厘至3厘計算，月供都要5000至6000元，每月供樓之後，月薪餘額只有3000至4000元，佢衣、食、行及其他非經常性支出其實好難夠用，再者，如果佢份工作不保仲大鑊，要面臨斷供危機。」
佘認為，倘若實施資助巿民買樓，一定會在短時間之內，巿場上出現大量投向私樓入巿的買家，不排除令到部分地段及交通條件較佳的物業被搶購，從而令業主提高售價，在連鎖作用之下，到頭來的效果必然令整體住宅樓價又再被推高，形成令到未上車人士則會愈難上車的惡性循環現象。
此外，他認為無論買一手或二手樓，以選擇落成數年的屋苑為宜，這樣可以實地觀察現樓，就算有漏水等問題都馬上知道，避免買樓花，經常有機會遇到收樓時如實用面積不符等貨不對版等問題。
佘又指出，不少置業人士經常在決定買樓前錯估財務安排而入錯巿，置業之前亦必須特別注意各項問題及掌握正確資料，免被失實廣告誤導而隨入陷阱。「有好多人包括有大學教授等，我都問過佢點解要買樓做業主？佢大部分都話為畀自己有個遮頭安樂窩，而且見到咁多人買，所以都跟住買，當然其中亦有部分係投資者。但係，佢買樓之前，其實好多都唔知乜係地權份數、地積比率、大廈公契、建築物管理條例等等。買樓之後才發覺物業經常遇到煩人問題，有乜辦法唔變成苦業主呢。」
撰文﹕陸振球 （明報地產版主管）
沒有留言:
發佈留言