薑醋

同珍醋加添丁甜醋加d冰糖煲,食過既人都話好味過八珍呀,重有你有惠氏bb會咭買同珍有八五折


工展會同珍counter, 同珍甜醋5公斤裝好抵買, $55.  如果自己去八珍醬園買, 5公斤要$105.

工展會同珍counter, 買夠$300有免費送貨.  本場刊仲有$10同$5 coupon得.  即係唔洗$300都已經有得送貨.
以下係我媽咪九月份幫我煲嘅情況, 妳可以參考一下:
1)請問煲豬腳薑有咩要訣?
a/ 差不多預產期之前一個月煲(只係先煲薑同醋), 例如: 買一個20斤嘅煲, 就用10斤薑, 15斤甜醋, 1/3枝黑米醋.....
b/ 先將薑批皮再洗一洗,用刀拍一拍, 怕太大件的可切細一點, 開獲落油再放準備好的薑炒(不用少太耐, 只要炒至乾身一點)
c/ 把已炒過薑放入大煲內, 再放15斤甜醋, 開中火煲, 煲至滖起時再調至細火繼續煲, 全程嘅時間係1.5hrs
d/ 要"灘涷"煲薑醋(不用開蓋), "灘涷"之後開蓋抹一抹個蓋啲"倒汗水", 再"cup"番個蓋用紅紙或者係錫紙封好個蓋, 到大概兩至三星期再攞出來番熱一次, 又再"灘涷", 如此類推......(緊記番熱時要取走錫紙及用中火)
e/ <<你最好買多一個煲(不用太大), 因為怕啲豬腳係肉類有機會容易令成煲醋變壞>>, 到十二朝前一兩日先好放旦, 而豬腳就早兩三日放, 再放埋嗰2/3枝黑米醋入去

2)D薑要老定嫩好?
a/ 我係用平時去街市買嗰種囉, 亞媽話最緊要係個身肥肥哋就係好

3)刨出O黎D薑皮係唔係要風乾O左至可以煲水沖涼?
a/ 係呀, 不過亞婆同亞媽都話如果怕煩, 其實可以到時先再買啲薑返來沖都得, 唔一定要風乾O左至可以煲水沖涼嘅

4)八珍甜醋好唔好GA?買醋仲有冇其他選擇?多謝指教
a/ 其實八珍係最好嘅, 其他如同珍....我亞媽就話not the best 囉, 所以我哋都係用八珍囉, """緊記要買<黑米醋>呀"

煲薑醋係唔可以加水架, 會發霉架!!!! 每隔一星期煲滾一次， 以免細箘及霉箘滋生, 到要食前二天才落豬手, 食前一天才落雞蛋!!

其實每翻煲一次, 都要睇下夠唔夠醋(要蓋晒所有薑為準), 因為每次都會蒸發左d醋, 唔夠就倒一些新既醋落去

到要落豬手時, 就加d黑糯米醋(酸醋)稀釋, 咁就無咁杰, 同埋唔會太甜!!

豬手出水後, 要晾乾水, 但唔駛煲到淋!
無錯將熟蛋入醋, 煲滾後, 擺一日

派薑醋要滿十二朝先可派，滿月只可請他們上來家中享用，不能再派給人。如果有經驗的人會回一封利是給你，或你可要求他們不要清洗乾淨器皿還給你，或是剩下少許薑回給你，喻意有餘有剩，如果你是新朝人則只需做頭兩樣就ok啦

http://www.baby-kingdom.com/forum.php?mod=viewthread&tid=1168722&extra=page%3D1&page=2

我個做法就超簡單, 生前3星期咁上下開始煲, 預計下會唔會派比好多人, 因為薑煲既時間比較耐, 唔係煲一次就得, 豬手同雞蛋可以不斷加入去煲。

材料：薑10斤、甜醋兩大樽(可以去買小樽裝, 唔夠醋再加入去)、大瓦煲一個、小瓦煲一個, 豬腳+雞蛋(生左先買)。

1. 首先買10斤薑, 刨皮, 略拍, 用白鑊炒十幾分鐘。
2. 將甜醋煲滾, 落所有薑, 煲1個鐘, 熄火, 唔好用野了佢, 由得佢擺係度, 隔日再煲滾, 如是者一路重覆隔日煲滾, d 薑會越煲越縮, d 醋浸唔過薑面就要加醋落去, 加醋後必須再煲滾。
3. 生左之後, 12日可以派薑醋, 咁係第9日就買新鮮豬手或豬腳, 有人鍾意買豬手, 有人鍾意豬腳。豬腳買返黎飛水, 我會再用水喉水沖乾淨d 油。如果方便有人可以幫你買野, 你就先買兩隻豬腳, 如果唔方便, 你就一次過買幾隻, 飛晒水後, 食幾多就煲幾多, 未煲個d就放入冰箱, 下次想煲個陣就拎出黎, 沖去d 冰, 就可以放入d 薑醋裡面煲。
講返d 豬腳點煲, 豬腳出水洗淨後, 預計下會派幾多比人, 就由大瓦煲個邊筆適量既薑同醋去小瓦煲, d 人多數都係鍾意食豬腳同雞蛋, 薑唔駛筆咁多, 咁大瓦煲既醋一定要蓋過d 薑面, 唔駛筆太多醋去小瓦煲, 唔夠醋再加新醋。小瓦煲有薑醋, 就放豬腳落去, 煲1小時後熄火, 唔駛理佢, 第2日再煲, 第3日再煲, 基本上煲3日已經夠淋。講埋雞蛋, 雞蛋都係同豬腳差唔多, 煲2、3次已經好入味, 好多人會係派比人之前一日先落蛋, 因為d 蛋會越煲越硬, 但係越硬既蛋就越補, 你可以煲耐左既蛋留返比自己食。雞蛋就烚熟去殼, 就咁放入去煲就得。

**緊記, 薑醋煲滾之後唔好了佢, 所以最好食完之後再煲滾, d 薑就由大瓦煲過邊筆過去, 因為薑要煲好耐, 所以d 人都係煲一次, 豬手豬腳就可以不停咁加, 唔夠醋都要加, 大瓦煲既薑係每次筆完去小瓦煲之後都要煲滾, 只要滾就得, 唔駛煲太耐。

滿月後d 薑醋未食晒, 可以放入雪櫃, 食幾多就煲幾多。希望幫到你!!

你好呀! 第一次煲個陣, 你可以下醋、薑一齊煲, 大滾後轉中小火續煲1小時, 熄火, 唔駛理佢, 隔一日煲滾就得, 唔駛再煲1個鐘。(你可以係煲之前, 將d 薑攪下佢, 將底個d 攪上面, 面個d 就攪落底!咁先至煲滾。緊住, 煲滾之後唔好攪!)

薑方面, 唔一定要老薑, 如果買唔到, 就用平時煮飯個種薑都得, 唔好子薑。

材料：大肉老薑五磅、添丁甜醋一大樽、豬手或豬腳兩隻、雞蛋十二隻。

做法：洗淨姜，刮去皮，切成大塊，略為拍扁。

燒熱幹鑊，不用放油，將薑炒片刻。
用大瓦煲或玻璃煲盛甜醋，煲至滾，放入姜，煲至大滾，蓋，改用中火，煲約二小時，熄火，讓姜在醋中浸隔夜。 翌日再煲十五分鐘，如是者煲約三星期。 （通常在預產期前一個月便要開始煲薑醋，豬手或豬腳應在食前一星期加入。）處理豬手或豬腳：刮去豬毛，斬件，用滾水拖過，再衝凍水，然後放入薑醋中煲至稔。雞蛋隨水置煲中，慢火煲熟，然後去殼，加入薑醋中，煲至金黃色即可。
　

2.薑醋本身唔洗放雪櫃,但有豬腳係薑醋裡面就要3,4日煲一煲,唔係會發毛的,但如果得薑同旦就唔洗

3.點解要先拎d旦出泥既?d旦要浸幾愈耐食愈補架,你可以一路加旦,派俾朋友食果d浸幾日都ok,但自己食果d當然要食耐d既旦啦~起碼10日呀~~