座月食譜

坐月食譜:
http://janet781010.sinababy.com/myhome.htm
http://www.818bbs.net/redirect.php?tid=409301&goto=lastpost
http://wow.esdlife.com/space.php?uid=7621&do=thread&id=7340

若對食譜有任何問題，請去以下條link發問
http://forum.baby-kingdom.com/viewthread.php?tid=208562&extra=page%3D1&page=1

炒米茶比開水有益有米氣落肚，暖胃去肚風。生完即飲：—

用白鑊(無油)炒白米/紅米炒至金黃色 (約25mins)，煮的時候，抓一手份量炒米( 約2湯匙 )，十二朝前加陳片, 十二朝後加一片薑(薑片(順產) or 陳皮(開刀))，再加水，約5-6碗水煲，滾左之後轉中-細火再煮半個鐘，煲好隔渣裝入保温壺，拿來當水咁飲。.
十二朝後: 加紅棗(怕燥可用南棗代替)、龍眼乾(即桂圓肉)、杞子、黨參。

PS. 炒米可1次炒定，用盒裝好待用。
紅或南棗浸水半小時浸出沙粒。飲完水食代茶料。若要食二日，不放米因米易縮。
紅米一樣可以炒黎飲用。纖維質同營養價值比白米仲高 d 忝，相信係可以減少便秘既問題。
係一樣可以補架，不過要清補囉，唔可以太早食用會行血既食品，最好要過二十朝後先開始慢慢加入。
… … … … … … …

薑水:
拍扁几舊大薑，放入一大盆水度煲滾, 可以攤凍放入廁所度作平時抹手抹面用, 洗凍薑水也"興"的.

1. 你係可以用薑皮黎煲水用架，但一手執薑就未必夠一日用了，似乎淡左少少丫，起碼都要 2~3手執既份量就差唔多。同埋建意你將 d 薑皮放入湯袋後先煲，否則煲完你都要花 d 工夫先囉到 d 水黎用唷~~哈哈哈∼∼
你用薑皮煲水確實係物盡其用，但相比之下當然拍扁几舊大薑黎煲水會方便 d 丫。
2. 你用咩器皿黎裝水沖身都無咩所謂，用盆沖 d 薑就會見洗 d，哈~ 好似以前 d 人咁用個 "不" 黎淋身同用毛巾黎洗刷皮膚就 ok 架了。
同埋如你個浴缸係白色，我相信你沖左几次後就會發覺個浴缸會變左黃黃地色架啦！哈！@.@~

… … … … … … …
少食涼性瓜果菜。

煮時就反而要注意：—
1. 作法為蒸、燉、烚最好，清淡得黎亦可保原汁原味。
2. 用麻油代替普通油，極少用鹽，糖用紅糖(即食豆腐花時加果 d 糖)，同埋薑黎調味。其他既盡量唔好用了。
3. 肉類為瘦肉、無肥膏既豬肉、雞肉、魚肉 (鱸魚、鯇魚都 ok)，但牛肉就最好到第三個星期後先好食了。

十二朝前：—
~ 最緊要清淡，可以煮黑木耳 (或普通木耳都 ok)，可以幫助排清惡露。用黎一齊蒸豬肉、雞肉等都得。
~ 薑, 南/紅棗都可以用，但唔好用太多，十二朝後先慢慢加份量。
______________________________
"五更飯"

其實 "五更飯" 即係以前既早飯，係清晨時份 (即第五更-5~7點) 所食既飯而已。
以前無錢買補品補身，但一起身食到碗飯係可以增強氣力、幫助身體吸收營養，可補中氣的。

用料真係好平民化架，但奇在可以好補身！同食隻雞既效用可比美！
材料：蛋、薑茸、豬肉，頭 2 個星期可另加入木耳。
煮飯同一般煲飯既方法就得，仲意既加麻油炒佢 2 炒又得！

最主要係一起身後食到呢碗飯，就既可補身又可補氣。
_________________________________
《紅糖粥》
紅糖 = 食豆腐花時所落既糖，有活血祛瘀既作用，所以產後 頭 2 個星期食用就最岩不過。
只須好似平時咁煲白米粥，滾後加入紅糖拌勻就 ok 了。

《桂圓粥》
將桂圓(即龍眼乾)與白米同煲成粥即可！

《黑豆飯》
黑豆於白鑊中炒至豆皮稍為爆裂時贊下清水，煮15分鐘後撈起於白米一同煲熟即可。唔須要額外去皮的。

開刀生產的媽咪須額外注意：—
1.        最好過二十朝後才開始進補，慢慢增加行血壯血食物的數量，例如：紅棗、薑、黨參、薑醋等。
2.        薑茸炒飯最好過二十朝後才開始進食
3.        大補期內既牛肉全以豬肉替代
4.        十二朝前可以清燉雞湯來補身，可以陳皮代替薑片；另不應飲用生魚湯，以免肉芽增生。

http://www.eatlover.com/docs/csectionmenu.pdf

… … … … …

1.糯米酒做法唔太難，但造酒時既步驟反而要注意既野就好多！同埋須時起碼要 4個月至半年以上，所以亦都唔易。
而我份資料內所用既係黑糯米酒黎，係超市都買得到架了。
2. 而黑糯米酒既作用係可以益氣補血，都係會行血架，所以十二朝前主要用黎調味，去到惡露去淨後就可以直接飲少少黎補身。另外做雞酒都係好好架，同埋唔洗一定要坐月先飲得，往後我地 "m" 黎完都可以飲少少黎補補身補補血都唔錯架！

1. 餵人奶係可以飲雞酒糯米酒等既酒類架，不過就最好安排係食完 bb 後先飲，同埋相隔下一餐飲奶既時間最好要 3~4個鐘左右。但亦須要留意BB的反應，如面紅紅、面出粒粒、大便有沒有困難等，咁就要減少飲用既份量或停一停啦。
2. 坐月飲波打酒我都聽過，因我呀麻都有同我講過下~ 哈~
波打酒都有補血既作用架，不過酒精成份就高 d 同有氣，同埋多數都係凍飲，唔凍既真係好鬼難飲架！哈~~~

… … … …
1. 炒米茶唔一定要炒定好多好多係度架，好彈性架嘛，事乎你自己想飲几多日而已，同埋睇下個樽裝到几多咪整几多囉。
2. 至於份量都係一樣，不過就唔須要煲得太濃，因當水飲架嘛，每次煲一手執仔既炒米應該夠用；而落几多水呢？都係睇你想飲几多架咋，多 d 水咪稀 d 囉。 總之好彈性架啦！哈哈哈~~~
3. 查實除左飲水外，仲可以飲下湯、熱奶架嘛，呢 d 都係水份黎丫。
4. 五更飯唔係一定要落蛋既，如你唔想加既都可以唔落都得既。 而用麻油代替生油，一黎麻油有益 d 健康 d，同時佢既成份係可幫助子宮收縮同產後復原架。

我上次聽個做陪月的太太講，坐月唔好飲白開水要以代茶來代替水係因為飲白開水的話，會有水腫的問題，所以佢叫我用炒米、果皮、南棗同龍眼肉來泡水，代替水來飲，咁就唔怕水腫，面色又會好d喎。至於紅棗佢話唔好咁快用，因為紅棗的糖粉太高，同埋好燥喎。
~fion~ 寫道:
其實點解坐月唔好飲咁多白開水o既? 我奶奶叫我媽媽煲龍眼肉水當水飲, 但我飲到一星期左右就飲唔落口, 之後我就無再飲, 一口渴就沖利賓納飲, 其實咁樣有冇問題架? 同埋坐月可唔可以飲可樂煲薑(我都有餵人奶, 怕唔怕影嚮BB)?

1. 係中醫既角度，媽咪生完 bb 後個胃會較寒，容易會有口淡淡，飲白開水會令媽咪 "反口水" 既感覺。傳統 d 就話會令腸胃、子宮等下垂，阻礙產後復原……

2. 而飲各類既代茶，的確係比無乜特別營養既白開水來得有益得多，係坐月呢段媽咪身體最弱既時期揀 d 有營既野黎飲，吸收既程度係會相對提高。
係我份 list 裡面，都有唔少代茶你可以試下架，好多都好好飲架！

3. 利賓納、葡萄適查實都可以飲，但唔好沖得太凍，對腸胃唔好。同時佢地糖份較高，飲得多可能唔係太好。簡唔中飲下就無壞既…

生完可用牛秋魚煲木瓜南北杏蜜棗(下片薑).
不要煲生魚，令傷口埋得不好

上奶
不要飲豬濶水，麥芽、豆鼓、淡豆豉、韭菜、乳鴿、麥芽、豬膶及動物內臟、人參、皮蛋、木耳、雞精和好立克(有麥芽精)都可能會令奶量下降

鹹食都是不宜的，會令奶量下

***清淡的食物, 大量的水份吸收, 多吃五穀類食物(尤其是飯), 都是對奶量有幫助的

產後進補唔好煲,一定要燉及用竹絲雞或雞,如有糯米酒燉最好。早上開始燉四小時,午飯後飲及晚飯後飲。最少連續食1個月
1.食療份量:五錢鹿茸+五錢高麗參+燉竹絲雞(補血)
2.食療份量:五錢鹿尾巴+五錢人參+燉竹絲雞(補腰補血氣)
3.食療份量:五錢當歸+五錢天麻+４粒南棗+燉竹絲雞(補血驅頭風)
4.食療份量:五錢杜仲+五錢北氏+五錢糖心黨蔘+燉竹絲雞(補腰補  氣血)

腰痛:
第28天後飲4次:
鹿茸, 巴, 杞子, 淮山6碗水烋成4碗水.